Мал Эмнэлгийн Хүрээлэн

Бодис солилцоо, биохимийн лаборатори

Үйл ажиллагаа

Бэлчээрийн болон эрчимжсэн аж ахуйн мал, амьтанд тохиолдох бодис солилцооны эмгэг, эндемик өвчнүүдтэй тэмцэх, сэргийлэх, эмчлэх технологи, арга боловсруулан эм бэлдмэл зохион бүтээж нэвтрүүлэх

Монгол оронд тохиолддог эрдсийн илүүдэл, дутагдлаас үүсэх эмгэгийг оношилж, тодорхойлох
Эрдэс солилцооны эмгэгийг эмчлэх сэргийлэх арга технологийг боловсруулж үйлдвэрлэлд нэвтрүүлэх
Үйлдвэр уурхайн хог хаягдалаас үүдэлтэй өвчинтэй тэмцэх, сэргийлэх эмчлэх

Төслүүд

"Мал, амьтдад гадны хүчин зүйлсийн нөлөөллөөр үүсдэг бодис солилцооны эмгэгүүдтэй тэмцэх, сэргийлэх арга" шинжлэх ухаан, технологийн төсөл, Удирдагч Ч. Буянтогтох (2008-2010 он)
"Биогеоценозын хамаарал бүхий өвчний оношлогоо, эм бэлдмэлийн технологи"онолын суурь судалгааны төсөл, Удирдагч Я. Ганболд (2011-2013 он)
"Иммуномодулятор үйлдэлтэй бэлдмэлийн нөлөөг малын дархлааны зарим үзүүлэлттэй холбон судлах нь" шинжлэх ухаан, технологийн төсөл, Удирдагч Г. Оюунцэцэг (2012-2013 он)
"Цэвэршүүлсэн нунтаг барагшуны антибиотик төст үйлдлийг судлан, технологийг шинэчлэн үйлдвэрлэлд нэвтрүүлэх нь" БШУ-ны Яамны Сайдын нэрэмжит Грантын судалгаа, Удирдагч Т. Энх-Оюун (2012–2014 он)
"Малыг халдваргүй өвчнөөс эрүүлжүүлж, ашиг шимийг нэмэгдүүлэх, эм бэлдмэлийн технологи" сэдэвт тэргүүлэх чиглэл, цөм технологийн хүрээнд "Эрдэст элементийн дутагдлаас үүсдэг малын эндемик өвчнийг оношлох, эмчлэх сэргийлэх технологи" дэд төсөл, Удирдагч Я. Ганболд (2012-2015 он)
"Нэг дамжлагаар импортыг орлох байгалийн гаралтай гурван төрлийн бэлдмэл үйлдвэрлэх нь" инновацын төсөл, Удирдагч Т. Энх-Оюун (2016-2018 он)
"Бэлчээрийн болон байран маллагаатай мал, амьтны бодисын солилцоог дэмжих эмчилгээ сэргийлэлтийн шинэ бэлдмэлийн технологи" шинжлэх ухаан, технологийн төсөл, Удирдагч Т. Энх-Оюун (2018-2020 он)
"Төмрийн ион зөөвөрлөгч молекулын судалгаа" онолын суурь судалгааны төсөл, Удирдагч Ч. Буянтогтох (2019-2021 он)
"Селенээр баяжуулсан ургамлын гаралтай хоёрдогч метаболитыг мал эмнэлэгт хэрэглэх боломжийг судлах нь" онолын суурь судалгааны төсөл, Удирдагч Д. Будрагчаа (2019-2021 он)

Судлаачид

Манай лаборатори доктор 3, магистр 2, бакалавр 1 нийт 6 эрдэм шинжилгээний ажилтны бүрэлдэхүүнтэйгээр ажиллаж байна.

Ахмад үеийн судлаачид

Цогнын ЦЭНДСҮРЭН Биологийн ухааны боловсролын доктор, профессор, Эрдэм шинжилгээний тэргүүлэх ажилтан (1968-2001онд ажиллаж байсан)
Цэвэгийн ТОЙВГОО Монгол улсын төрийн соёрхолт, Академич, ШУ-ны нээлтийн эзэн,Биологи болон мал эмнэлгийн шинжлэх ухааны доктор (Sc.D), профессор (1961-1974 онд ажиллаж байсан)
Жамбалдоржийн УРТНАСАН Мал эмнэлгийн ухааны доктор (Ph.D), Эрдэм шинжилгээний тэргүүлэх ажилтан (1974-1987онд ажиллаж байсан)
Рүүрагчаагийн СОДНОМДАРЖАА Монгол улсын малын гавьяат эмч, зөвлөх эмч, мал эмнэлгийн ухааны доктор (Ph.D), Профессор
Болдын БУЯНБАТ Биологийн ухааны доктор, дэд Профессор, Эрдэм шинжилгээний ахлах ажилтан (1975-1983, 1991-2007 онд ажиллаж байсан)
Сандагийн Цэрэнсоном Биологийн ухааны доктор (Ph.D) Эрдэм шинжилгээний ахлах ажилтан (1980-1997, 2004-2007 онд ажиллаж байсан)

Лабораторийн судалгааны чадавх

Нийлэгжлийн багаж-азотын хий ашиглан хүчилтөрөгчгүй орчинд полисахаридын функциональ бүлэг дээр селен, хүхэр, зэс г.м элементүүд холбох
Усгүйжүүлэх багаж- хүчилтөрөгчгүй орчны нийлэгжилд ашиглах усгүйжүүлсэн бодис гарган авахад ашиглана.
Автомат нэрэгч- усан болон органик уусмалд хандалсан дээж өтгөрүүлэх
Шил хайлуулах технологи-лабораторийн шилэн хэрэглэгдэхүүнийг дахин ашиглах, хэлбэр өөрчлөн шинэчлэх, шинээр шилэн хэрэглэгдэхүүн холбоно.

Түүхэн замнал

МАХН-ын Төв Хороо, БНМАУ-ын Сайд нарын зөвлөлийн 1961 оны 93/94 дүгээр тогтоолоор байгуулагдан Хөдөө аж ахуйн хүрээлэнгийн мал эмнэлгийн салбарт Морфологи, физиологийн сектор нэртэйгээр үүсгэн байгуулагдсан.
1987 онд Мал эмнэлгийн хүрээлэн багуулагдахад Халдваргүй өвчин судлах сектор
1989 онд Эндемик өвчин, эмгэг морфологийн сектор
1990 оноос Бодис солилцоо, биохимийн лаборатори болж өргөжин хөгжиж иржээ